दिपक जैसवाल /लुम्बिनी,चैत २०गते /रुपन्देहीको सिद्धार्थनगर नगरपालिका–६ गल्लामण्डीस्थित नापी कार्यालय भैरहवामा सेवाग्राहीको काम छिटो गराइदिने भन्दै अतिरिक्त शुल्क असुल्दै बिचौलिया गतिविधि गरिरहेको आरोपमा प्रहरीले दुई जनालाई नियन्त्रणमा लिएको छ ।
प्रहरीका अनुसार नियन्त्रणमा पर्नेमा रुपन्देहीको ओमसतिया गाउँपालिका–३ का ३२ वर्षीय शिव नारायण कुर्मी र रोहिणी गाउँपालिका–३ का ३० वर्षीय सुरेन्द्र मल्लाह रहेका छन । उनीहरूले सेवाग्राहीसँग काम छिटो गराइदिने बहानामा बढी रकम लिने गरेको सूचनाका आधारमा आज शुक्रवार खटिएको प्रहरी टोलीले उनीहरूलाई पक्राउ गरेको हो । यस घटनासम्बन्धी थप अनुसन्धान कार्य जारी रहेको प्रहरीले जनाएको छ ।
