गैंडहवा न्युज
रुपन्देही । रुपन्देही क्षेत्र नम्बर ५(ख) का पूर्व प्रदेशसभा सदस्य फकरुद्दिन खान नेपाली कांग्रेस परित्याग गरी राष्ट्रिय स्वतन्त्र पार्टी (रास्वपा) मा प्रवेश गरेका छन्।
खान रास्वपामा प्रवेश गरेसँगै पार्टीका नेता तथा कार्यकर्ताहरूले उनलाई स्वागत गर्दै सफल राजनीतिक यात्राका लागि शुभकामना व्यक्त गरेका छन्।
राजनीतिमा परिवर्तन, सुशासन, पारदर्शिता र जनताको सेवाप्रतिको प्रतिबद्धतासहित अघि बढ्ने विश्वास व्यक्त गर्दै उनको नयाँ राजनीतिक यात्रालाई सकारात्मक रूपमा हेरिएको छ।
रास्वपाले परिवर्तन, सुशासन र समृद्धिलाई आफ्नो राजनीतिक एजेन्डाका रूपमा अघि सार्दै आएको छ। खानको पार्टी प्रवेशले रुपन्देहीको स्थानीय राजनीतिमा कस्तो प्रभाव पार्छ भन्ने विषय आगामी दिनमा चासोको विषय बन्न सक्ने देखिन्छ।
पूर्व प्रदेशसभा सदस्य फकरुद्दिन खान नेपाली कांग्रेस छाडेर रास्वपामा प्रवेश
